Sassuolonun simvoluna çevrilmiş Domeniko Berardi uzun illər sonra ilk dəfə açıq şəkildə etiraf edib ki, böyük kluba keçmək və Çempionlar Liqasını yaşamaq hələ də onun ən böyük arzularından biridir. 15 ildir Sassuoloda oynayan italiyalı hücumçu Corriere dello Sport-a verdiyi eksklüziv müsahibədə karyerasının dönüm nöqtələrindən danışıb.

“Son 5-6 ildə getmək üçün çox çalışdım”

Berardi açıqlamasında Sassuoloya olan böyük hörmətinə baxmayaraq, son illərdə ayrılmaq üçün ciddi cəhdlər etdiyini təsdiqləyib:

“Artıq 15 ildir Sassuolodayam. İlk illərdə ayrılmağa hazır deyildim. Amma son beş-altı ildə getmək üçün çox çalışdım.”

Azzurri ulduzu bildirib ki, vaxtilə böyük bir kluba keçid demək olar ki, tamamlanmışdı, lakin zədə onu saxladı:

“Düzünü desəm, bəli. Zədələnmədən əvvəl böyük bir klubla razılığa gəlmişdim. Hər şey razılaşdırılmışdı. Amma hansının olduğunu deməyəcəyəm.”
Jurnalist “zolaqları olan klub?” sualını verəndə Berardi bunu təsdiqləyib – bu isə ehtimalları Juventus və İnterə yönəldir.

Çempionlar Liqası peşmanlığı

Berardinin ən böyük təəssüfü isə hələ də Çempionlar Liqasını oynaya bilməməsidir:

“Çempionlar Liqasında oynaya bilməməyimə görə çox üzgün oldum. Hər zaman ən yüksək hədəflər üçün mübarizə aparmaq istəmişəm. ÇL mənim üçün yaşamaq istədiyim ən böyük təcrübədir.”

O əlavə edib ki, transferin baş tutmaması hər dəfə üç tərəfdən birinin razılıq verməməsi ilə bağlı olub.

“Hələ vaxtım var” – Berardi böyük keçidi hədəfləyir

Bütün bunlara baxmayaraq, 30 yaşlı hücumçu Sassuoloya minnətdarlığını dəfələrlə vurğulayıb və klubun onu hər zaman “bayraqdar” kimi gördüyünü bildirib. Lakin o, hələ də üst səviyyəyə keçəcəyinə inanır:

“Still have time. Artıq tam yetkinəm və böyük kluba keçməyə hazıram.”