Onana Mançester Yunayteddə qalmaq niyyətində deyil

Andre Onana-nın Mançester Yunayteddə gələcəyi demək olar ki, yoxdur. Kamerunlu qapıçı hazırda Trabzonspor-da icarə əsasında çıxış edir və yayda Old Trafford-a qayıtsa belə, əsas heyətə düşmək şansı çox zəif görünür. Klubda Senne Lammens artıq bir nömrəli qapıçı kimi möhkəmlənib və bu, Onana üçün yolu tam bağlayır.

Serie A variantı yenidən gündəmdə

Caught Offside-in məlumatına görə, Andre Onana Serie A-ya qayıtmaq ideyasına müsbət yanaşır. Xüsusilə sabiq klubu Inter Milan ilə yenidən adı hallanır. Milan təmsilçisində Yann Sommerin yaşının artması fonunda uzunmüddətli qapıçı axtarışı davam edir və Onana bu baxımdan uyğun namizəd sayılır.

Inter maliyyə səbəbindən ehtiyatlıdır

Inter Onana ilə maraqlansa da, Mançester Yunaytedin tələb edəcəyi transfer məbləği əsas maneədir. Neradzurri böyük xərclər etmək imkanında deyil və yalnız kompromis variant yaranarsa, bu transfer real ola bilər.

Roma və Napoli də yarışdadır

Məlumatda AS Roma və Napoli-nnin də Andre Onana ilə maraqlandığı bildirilir. Roma-da Mile Sviların yayda ayrılmaq ehtimalı var və Onana artıq paytaxt klubuna təklif olunub. Napoli isə Alex Meret-in gələcəyinə dair suallar fonunda yeni qapıçı axtarışına çıxa bilər və Vanja Milinković-Savić üzərində yüksəksəviyyəli alternativ düşünür.

Favorit yenə də Inter-dir

Hazırda yarışda ən real variant Inter Milan hesab olunur. Lakin maliyyə şərtləri həlledici rol oynayacaq. Əgər Roma və ya Napoli Onana-ya əsas heyətdə mühüm rol və daha uyğun şərtlər təklif etsə, balans dəyişə bilər.