“Çelsi” Londonda bir daha məğlub oldu

İngiltərə kubokunda finala yüksələn ilk komandanın adı məlum olub. Yarımfinal mərhələsində “Arsenal” iki oyunun nəticəsinə əsasən “Çelsi”ni mübarizədən kənarlaşdırıb.

“Topçular” ilk qarşılaşmada səfərdə 3:2 hesablı qələbə qazanmışdı. Cavab görüşündə də “Arsenal” doğma meydanda 1:0 hesabı ilə qalib gələrək finala vəsiqəni təmin edib.

Matçın taleyini 90+7-ci dəqiqədə Kay Havertsin vurduğu qol həll edib.

Yarımfinalın digər cütündə isə “Mançester Siti” “Nyukasl”la üz-üzə gələcək. Mançester təmsilçisi ilk oyunda səfərdə 2:0 hesablı qələbə qazanıb.