Arsenal Bukayo Sakanı klubun ən çox qazanan futbolçularından biri etməyə hazırlaşır

"Arsenal" rəhbərliyi Bukayo Saka ilə yeni müqavilə imzalamağa yaxındır. İngiltərə millisinin futbolçusu klubun ən çox maaş alan oyunçularından biri olacaq.

"The Mirror"un məlumatına görə, artıq Uilyam Saliba ilə uzunmüddətli müqaviləni yeniləyən "topçular", indi diqqəti Saka ilə razılaşmaya yönəldiblər. Yeni müqavilənin yaxın həftələrdə imzalanacağı gözlənilir.

24 yaşlı futbolçu bu mövsüm zədələr səbəbindən Mikel Artetanın heyətində tez-tez yer ala bilməsə də, meydanda olduğu oyunlarda parlaq çıxışı ilə yadda qalıb. Sakanın bu mövsüm Premyer Liqada vurduğu yeganə qol "Lids Yunayted" üzərində 5:0 hesablı qələbədə gəlib.

Canlı nəticələr, transfer xəbərləri, günün oyunu, proqnozlar, idman xəbərləri – hamısı Scorewatt-da!