Madrid klubu transfer pəncərəsini güclü şəkildə bağladı

“Atletiko Madrid” qış transfer pəncərəsinin son günündə heyətini iki futbolçu ilə gücləndirib. Bu barədə klubun mətbuat xidməti rəsmi məlumat yayıb.

Madrid təmsilçisi ABŞ-ın “Sietl Saunders” klubundan Obed Qomes Varqası, İspaniyanın “Elçe” klubundan isə Rodriqo Mendozanı transfer edib. Hər iki yarımmüdafiəçinin 20 yaşı var.

“Atletiko” Obed Qomeslə 2030-cu ilin yayına, Rodriqo Mendoza ilə isə 2031-ci ilin yayına qədər müqavilə imzalayıb.

Xatırladaq ki, Madrid klubu daha əvvəl qış transfer pəncərəsində “Atalanta”dan Ademola Lukmanı da heyətinə qatmışdı.