Bayern Münhen rəhbərliyi İngiltərə millisinin ulduzu Harry Kane-i komandada saxlamaq üçün xüsusi addım atmağa hazırlaşır. Klub, Barselonanı gələn yay mümkün təklifdən çəkindirmək və hücumçunun xidmətlərini qorumaq üçün istisna müqavilə təklifi üzərində işləyir.

Barselona Lewandowski-nin yerinə Kane-i hədəfləyir

Barselona rəhbərliyi gələn mövsümün əvvəlində Robert Levandovskinin klubdan ayrılması ilə hücum xəttini yeniləməyi planlaşdırır. İspaniya mətbuatının məlumatına görə, katalonlar 2026-cı ilin yayında Harry Kane-i əsas namizədlərdən biri kimi görür.

İngiltərə yığmasının 32 yaşlı kapitanı gələn yay 33 yaşına çatacaq və həmin dövrdə onun Bayernlə müqaviləsinin bitməsinə bir il qalacaq. Bu, Levandovskinin 2022-ci ildə Barselonaya keçidinə bənzər vəziyyətdir — o zaman Kataloniya klubu polşalı hücumçuya görə 45 milyon avro ödəmişdi.

Bayern Münhen Kane üçün istisna təklif hazırlayır

Hazırda Kane-in “Bayern Münhen”lə müqaviləsi 18 ay sonra başa çatır. Lakin TalkSportun məlumatına görə, klub onunla daha uzunmüddətli əməkdaşlıq qurmaq niyyətindədir.

Normalda, Alman nəhəngi 30 yaşını keçən oyunçularla yalnız birillik müqavilə imzalama siyasəti yürüdür. Amma bu dəfə rəhbərlik Kane üçün istisna etmək fikrindədir. Klub onun həm meydandakı performansına, həm də komanda liderliyinə xüsusi qiymət verir.

Cari mövsümdə İngiltərəli hücumçu 16 oyunda 22 qol vurub və 3 assist edib. “Bayern Münhen” rəhbərliyi hesab edir ki, bu nəticələr uzunmüddətli və yüksək maaşlı müqavilə ilə mükafatlandırılmalıdır.

Kane üçün qərarverici mərhələ yaxınlaşır

Yeni müqavilə həm maliyyə baxımından daha sərfəli, həm də daha çox təminatlı olacaq. Bu amillər Kane-in gələcək qərarında həlledici rol oynaya bilər.

“Bayern Münhen” artıq onun komandada qalması üçün bütün imkanları nəzərdən keçirir. Digər tərəfdən, Barselona oyunçunun vəziyyətini yaxından izləyir və Levandovskinin yerini onunla doldurmağı düşünür.

Hazırkı vəziyyətdə, Kane-in “Bayern”də qalması üçün klub ciddi addımlar atmağa hazır görünür. Almanlar ulduz futbolçunun komandadan ayrılmasının qarşısını almaq üçün həm siyasətlərini dəyişə, həm də maliyyə baxımından böyük güzəştlərə gedə bilərlər.