Türkiyənin “Beşiktaş” klubu qapı xəttini yeni transferlə gücləndirib. İstanbul təmsilçisi İtaliyanın “Roma” klubundan Devis Vaskesi heyətinə qatıb.

Klubun yaydığı məlumata görə, 27 yaşlı kolumbiyalı qapıçı 2025/2026 mövsümünün sonuna qədər icarə əsasında “qara qartallar”ın formasını geyinəcək. Müqavilədə futbolçunun birdəfəlik satınalma hüququ da yer alıb.

Xatırladaq ki, sabiq “Milan”lı ötən yay azad agent statusunda “Roma”ya keçmişdi. Vaskes karyerası ərzində “Empoli”, “Askoli” və İngiltərənin “Şeffild Uensdey” klublarında da çıxış edib.

Qeyd edək ki, qolkiper cari mövsümdə rəsmi matçlarda meydana çıxmayıb.