London klubu 100 milyonluq ulduz üçün hərəkətə keçdi

“Atletiko Madrid”in aparıcı hücumçusu Xulian Alvares karyerasını İngiltərə Premyer Liqasında davam etdirə bilər.

Məlumata görə, “Çelsi” klubu 26 yaşlı argentinalı futbolçunun transferi üçün aktiv danışıqlara başlayıb. Tərəflər arasında əlaqələrin davam etdiyi bildirilir.

Hətta Alvaresin nümayəndələrinin bu yaxınlarda Liqa Kuboku çərçivəsində keçirilən “Çelsi” – “Arsenal” qarşılaşmasını Londonda canlı izlədiyi qeyd olunur.

Qeyd edək ki, “Transfermarkt” portalı Xulian Alvaresin transfer dəyərini 100 milyon avro olaraq qiymətləndirir.