İngiltərənin "Çelsi" klubunun heyətində ciddi itki baş verib.

London təmsilçisinin aparıcı oyunçularından olan Koul Palmer sıradan çıxıb. Bu barədə komandanın baş məşqçisi Entso Mareska məlumat verib.

İngiltərəli hücumameyilli yarımmüdafiəçi 2-3 həftə məşq prosesindən uzaq qalacaq.

"Çelsi" Koul Palmeri 2023-cü ilin yayında "Mançester Siti"dən transfer edib. İngiltərə millisinin üzvü olan 23 yaşlı futbolçu bu mövsüm "mavilər"in heyətində meydana çıxdığı 10 rəsmi matçda 5 qol və 2 məhsuldar ötürmə ilə yadda qalıb.

Qeyd edək ki, "Çelsi" UEFA Çempionlar Liqasının Liqa mərhələsində "Qarabağ"ın rəqiblərindəndir. Bu komandalar arasındakı oyun oktyabrın 1-də Londonda baş tutacaq.

Canlı nəticələr, transfer xəbərləri, günün oyunu, proqnozlar, idman xəbərləri – hamısı Scorewatt-da!