Rekordlar, titullar və bitməyən karyera

Bu gün Portuqaliya millisinin və “Əl-Nəsr” klubunun ulduzu Kriştiano Ronaldonun doğum günüdür. Dünyaca məşhur futbolçunun 41 yaşı tamam olur.

Peşəkar karyerası ərzində Ronaldo “Sportinq”, “Mançester Yunayted”, Madrid “Real”ı, “Yuventus” və hazırda çıxış etdiyi “Əl-Nəsr”in formasını geyinib. O, ən çox oyunu “Real Madrid”də keçirib — 438 matç, 450 qol və 131 məhsuldar ötürmə.

Portuqaliyalı hücumçu karyerası ərzində 5 dəfə “Qızıl top”, 5 dəfə Çempionlar Liqası qazanıb. O, həmçinin 2016-cı ildə kapitanı olduğu Portuqaliya millisi ilə Avropa çempionu olub.

Hazırda Ronaldonun karyerasında vurduğu qolların sayı 961-dir. Bunlardan 818-i klublarda, 143-ü isə milli komandada qeydə alınıb.