Eintracht Frankfurt Mario Götze ilə mövsümün sonundan sonra da davam edəcək yeni müqavilə barədə danışıqlar aparır. Bild nəşrinin məlumatına görə, futbolçunun gələcəyi ilə bağlı qərar yaxın həftələrdə verilə bilər.

Frankfurtun baş məşqçisi Dino Toppmöller mətbuat konfransında Götzenin komandada qalmasını istədiyini gizlətməyib. O, Mario ilə işləməkdən zövq aldığını və ona böyük hörmət bəslədiyini bildirib.

Bununla yanaşı, baş məşqçi danışıqların detallarına girməyib və prosesin idman direktoru Markus Krösche ilə futbolçunun agenti arasında aparıldığını qeyd edib.

Mario Götze hələ sentyabr ayında verdiyi açıqlamada Frankfurtla davam etmək istədiyinə işarə etmişdi. O, öz müqaviləsini tərtib etsəydi, yayda bitməyəcəyini demişdi.

Hazırda illik 3,5 milyon avro maaş alan 33 yaşlı futbolçu klubun ən çox qazanan oyunçularından biridir və yeni müqavilə maaşın azaldılmasını nəzərdə tutur. Buna baxmayaraq, tərəflərdən gələn müsbət siqnallar Götzenin ən azı bir illik yeni müqavilə imzalamasını real edir.