Everton 18 yaşlı yarımmüdafiəçi Harrison Armstrongu yaxın günlərdə Preston North Enddən geri çağırmağa hazırlaşır. Buna səbəb komandanın orta xəttində yaranan zədə problemləridir.

Kiernan Dewsbury-Hall və Carlos Alcarazın sıradan çıxması baş məşqçi David Moyesu bu qərarı verməyə məcbur edib. Armstrong yayda təcrübə qazanması üçün Preston-a icarəyə göndərilmişdi və Championship-də 16 oyunda 1 qol, 1 assistlə diqqət çəkmişdi.

Everton akademiyasının ən perspektivli oyunçularından sayılan Armstrong-un əsas komandaya qısa müddətlik dəstək verməsi gözlənilir. Zədəlilər geri döndükdən sonra onun yenidən icarəyə göndərilməsi də istisna edilmir.