Argentinalı ulduzla yeni müqavilə yoldadır

“Qalatasaray” mövsümün sonunda müqaviləsi başa çatan Mauro İkardi ilə bağlı yekun qərarını verib. İstanbul klubu argentinalı hücumçu ilə yeni sözləşmə imzalamağa hazırlaşır.

“Fotomaç”ın məlumatına görə, tərəflər arasında 2+1 illik müqavilə imzalanacaq. 32 yaşlı forvardın illik maaşı 7 milyon avro olacaq.

Qeyd edək ki, İkardi 2022-ci ilin yayından “Qalatasaray”ın formasını geyinir. Təcrübəli futbolçu bu mövsüm 31 rəsmi oyunda 12 qol və 2 məhsuldar ötürmə ilə yadda qalıb.