Qremio və West Ham United 30 oyunluq Argentina milli futbolçusu Guido Rodriges üçün qış transfer pəncərəsində mümkün anlaşma haqqında danışıqlar aparırlar.

Gremio qış transfer pəncərəsində West Ham United-in yarımmüdafiəçisi Guido Rodriguez-i heyətinə qatmaq istəyir. Football Insider-in məlumatına görə, Braziliya klubu 31 yaşlı argentinalı futbolçu üçün London təmsilçisi ilə danışıqlar aparır.

West Ham-da gələcəyi olmayan Rodriguez klubun satış siyahısındadır və “çəkicdarlılar” onu yanvar ayında yola salmaq niyyətindədir. Bununla belə, transfer asan görünmür, çünki futbolçu Juventus-un da maraq dairəsindədir.

Guido Rodriguez 2024-cü ilin yayında Real Betis-dən azad agent kimi West Ham-a keçmişdi. Lakin Premyer Liqada gözləntiləri doğrultmayıb və bu mövsüm bütün turnirlərdə cəmi 6 oyunda 252 dəqiqə meydanda olub.

Juventus yarımmüdafiədə alternativlər axtarsa da, Gremio daha konkret addımlar ataraq danışıqlara başlayıb və bu transfer yarışında irəli çıxa bilər. Braziliya klubu 2026 mövsümündə daha iddialı olmaq üçün təcrübəli dayaq yarımmüdafiəçisi axtarır.

30 dəfə Argentina millisində forma geyinmiş Rodriguez üçün bu transfer həm sabit oyun praktikası, həm də Dünya Çempionatı perspektivi baxımından önəm daşıyır.