Kolumbiyalı hücumçu “Zenit”lə razılaşıb

Müqavilə ilə “Əl Nəsr”ə məxsus olan və icarə əsasında “Fənərbaxça”da çıxış edən Con Duran karyerasını Rusiyada davam etdirəcək.

Məşhur insayder Fabrizio Romanonun məlumatına görə, 22 yaşlı kolumbiyalı hücumçu “Zenit” klubu ilə razılıq əldə edib. Bildirilir ki, futbolçu artıq müqaviləni rəsmiləşdirmək üçün Rusiyaya yollanıb.

Qeyd edək ki, Duran bu mövsüm “Fənərbaxça”nın heyətində 21 oyunda 5 qol vurub və 3 məhsuldar ötürmə edib. O, ötən ilin yayından İstanbul klubunda çıxış edirdi.