“Juventus” növbəti il üçün transfer planlarını müəyyənləşdirib və klubun əsas hədəfi Sandro Tonali olub. Ekrem Konurun verdiyi məlumata görə, “Nyukasl Yunayted”in 25 yaşlı yarımmüdafiəçisi Turin klubunun prioritet siyahısında birinci yerdədir.

“Bianconeri” gələn mövsüm heyətini gücləndirmək istəyir və bu məqsədlə yarımmüdafiə xəttinə təcrübəli, çoxistiqamətli oyunçu əlavə etmək planlaşdırır. Tonali bu tələblərə tam uyğun gəlir, lakin transferin maliyyə baxımından həyata keçməsi üçün klub bir neçə oyunçusunu satmalı ola bilər.

Tonalinin yüksəlişi və “Nyukasl” dövrü Tonali 2023-cü ilin yayında “Milan”dan “Nyukasl Yunayted”ə 55 milyon funt sterlinq qarşılığında keçmişdi. Lakin qısa müddət sonra mərclə bağlı qaydaları pozduğuna görə uzunmüddətli cəzaya məruz qaldı.Cəzanın başa çatmasından sonra o, Premyer Liqada özünü bərpa etdi və hazırda liqanin ən stabil və məhsuldar yarımmüdafiəçilərindən biri kimi tanınır. Tonali bu vaxta qədər “Nyukasl” forması ilə 50-dən çox oyun keçirib, 7 qol və 5 assistlə yadda qalıb.

Juventus üçün ideal namizəd

İtaliya futbolunun əfsanələrindən Claudio Marchisio da yaxınlarda verdiyi açıqlamada “Juventus”un məhz Tonalini transfer etməli olduğunu vurğulamışdı.Turin klubu Manuel Lokatellinin gələcəyi ilə bağlı qeyri-müəyyənliklər səbəbilə yeni yarımmüdafiəçi axtarışındadır.Tonalinin “Milan” keçmişi, liderlik keyfiyyətləri və oyun intizamı onu “Juventus” üçün ideal hədəfə çevirir. Klub rəhbərliyi artıq 2026-cı ilin yay transfer planına bu keçidi daxil edib.

Transferin reallığı

• Oyunçu: Sandro Tonali

• Yaş: 25

• Cari klub: Newcastle United

• Qiymət: təxminən 50–60 milyon avro

• Əsas namizəd: Juventus

• Alternativ: Milan və İnter (indiki mərhələdə az ehtimallı)

Əgər danışıqlar uğurlu keçərsə, Tonali bir ildən sonra yenidən Serie A-ya qayıdan nadir italiyalı ulduzlardan biri olacaq.