İngiltərə kubokunda nəhəng final – “Arsenal”la üz-üzə

İngiltərə kubokunda ikinci finalçının adına aydınlıq gəlib. Yarımfinal mərhələsində “Mançester Siti” “Nyukasl”la qarşılaşıb.

Mançester təmsilçisi cavab görüşündə rəqibini 3:1 hesabı ilə məğlub edərək finala vəsiqə qazanıb. İlk oyunda da səfərdə 2:0 hesablı qələbə qazanan “şəhərlilər” iki oyunun nəticəsinə əsasən üstün olub.

Matçda “Mançester Siti”nin qollarını Marmuş (7, 29) və Reynders (32) vurub. “Nyukasl”ın heyətində isə Elanqa (62) fərqlənib.

Beləliklə, İngiltərə kubokunun finalında “Mançester Siti” “Arsenal”la qarşılaşacaq.