“Mançester Siti”nin yarımmüdafiəçisi Rodri yenidən zədələnib.
Premyer Liqanın 7-ci turunda “Brentford”la keçirilən oyunda (1:0) start heyətində meydana çıxan ispan futbolçu 19-cu dəqiqədə zədə alaraq oyunu tərk edib. O, meydanın mərkəzində top uğrunda mübarizə zamanı ağrı hiss edib və oturaraq oyunu davam etdirə bilməyəcəyini göstərib.

Rodrinin əvəzinə Niko Qonsales oyuna daxil olub.
Qeyd edək ki, ötən mövsüm futbolçu dizinin çarpaz bağlarını zədələmiş və uzun müddət yaşıl meydanlardan uzaq qalmışdı.