Serie A nəhəngləri Milan və Juventus qış transfer pəncərəsində böyük addımlar atmasa da, yay üçün azad agent bazarında ciddi planlar qurur. Gianluca Di Marzio-nun məlumatına görə, Milan Leon Goretzka-nı, Juventus isə Bernardo Silva-nı gündəmində saxlayır.

Bayern Münhen-də uzun illər çıxış edən Leon Goretzka mövsümün sonunda klubu tərk etməyi düşünür. Milan artıq alman futbolçunun maliyyə tələbləri ilə maraqlanıb, lakin yüksək maaş məsələsi “rossoneri” üçün əsas sual işarəsidir. Goretzka ilə Napoli də maraqlanır.

Juventus isə uzun müddətdir Manchester City-nin aparıcı yarımmüdafiəçisi Bernardo Silva-nı izləyir. Turin klubu yanvar ayında rəsmi addım atmasa da, portuqaliyalı futbolçu ilə bağlı planlarını yay üçün saxlayır. Silva hazırda City-nin əsas fiqurlarından biri olaraq qalır.

Eyni zamanda Napoli Wolverhampton-un futbolçusu Joao Gomes ilə razılığa gəlib. Onun müqaviləsi mövsümün sonunda bitir və Neapol klubu yanvar ayında transferi reallaşdırmaq üçün İngiltərə təmsilçisi ilə danışıqlar aparacaq.

Serie A klublarının bu cür ulduzları karyeralarının müəyyən mərhələsində cəlb etməsi liqanın ümumi durumu ilə bağlı suallar yaratsa da, bu futbolçuların hələ də yüksək səviyyədə fayda verdiyi qeyd olunur.