“Qarabağ”ın bu yay heyətinə qatdığı Pedro Bikalyo Avropanın bir çox klublarından təklif alıb. Braziliyalını “Qarabağ” qədər israrla istəyən digər klub APOEL olub. 

Avrokuboklarda "Qarabağ"la 2 dəfə rəqib olmuş APOEL Bikalyo ilə Portuqaliyada oynadığı vaxtda danışıqlar aparıb. Lakin Pedro Ağdam klubunu seçib. O, Kipr nəhənginin təklifindən imtina edərək “Qarabağ”la müqavilə imzalayıb. Qeyd edək ki, 24 yaşlı futbolçunun “Qarabağ”la müqaviləsi 30 iyun 2028-ci ilə qədərdir. O, karyerası ərzində “Palmeyras”, “Santa Klara”, “Vitoriya” və “Alverka” klublarında çıxış edib.

Canlı nəticələr, transfer xəbərləri, günün oyunu, proqnozlar, idman xəbərləri, xüsusən də futbol – hamısı Scorewatt-da!