Barselona şənbə günü RCDE stadionunda Espanyol ilə keçiriləcək derbi oyununda Pedrinin xidmətindən yararlana biləcək. Baldır nahiyəsindən zədə alan yarımmüdafiəçi sağalıb və start heyətdə meydana çıxması gözlənilir.

Baş məşqçi Hansi Flikin sözlərinə görə, Dani Olmo da zədəsini bərpa edib və oyuna hazırdır. Ronald Arauxo isə psixoloji fasilədən sonra komandaya qayıdıb. Onun fiziki durumu tam ideal olmasa da, heyət üçün vacib oyunçu olduğu vurğulanıb.

Andreas Kristensen və Qavi diz zədələrinə görə hələ də sıradan kənardadır. Lamine Yamalın da oyuna tam hazır olduğu bildirilib.

Barselona Espanyol ilə oyunda 4-2-3-1 sxemi ilə çıxış edəcək. Qapıda Joan Qarsiya yer alacaq. Müdafiə xəttində Kunde, Kubarsi, Erik Qarsiya və Balde oynayacaq. Yarımmüdafiədə Pedri və Frenki de Yonq cütlüyü yer alacaq, Fermin Lopes isə hücumameylli yarımmüdafiəçi kimi çıxış edəcək. Hücumda Rafinia və Lamine Yamal cinahlarda, Ferran Torres isə mərkəzdə oynayacaq.

Robert Levandovski və Markus Reşford ehtiyat oyunçular sırasında olacaq.

Proqnozlaşdırılan Barselona XI: Joan Garcia; Kounde, Cubarsi, Eric Garcia, Balde; Pedri, de Jong; Yamal, Fermin, Raphinha; Ferran Torres