“Liverpul” Premyer Liqada son oyunlardakı xal itkilərindən sonra qalibiyyət seriyasına qayıtmaq istəyir. Arne Slotun komandası şənbə günü “Anfild”də “Aston Villa”nı qəbul edəcək. Mersisayd təmsilçisi üçün əsas yeniliklərdən biri Məhəmməd Salah və Florian Virtzin start heyətinə qayıdışı olacaq.

Komandadan son xəbərlər və zədə durumu

Baş məşqçi Arne Slot üçün xoş xəbər odur ki, Ryan Qravenberx sağalaraq komandanın ixtiyarına dönüb. Niderlandlı yarımmüdafiəçi topuq zədəsini tam bərpa edib və “Aston Villa”ya qarşı matçda iştirak etməyə hazırdır.

Bununla belə, “Liverpul”da bir neçə əsas oyunçu hələ də sıradan kənardadır:

• Alisson Bekker (bud əzələsi)

• Covanni Leoni (diz)

• Jeremi Frimpong (hamstring)

• Körtis Cons (əzələ zədəsi)

• Aleksandr İsak (qasıq)

Slot mətbuat konfransında bu oyunçularla bağlı belə danışıb:

“Ryan dünən bizimlə ilk tam məşqinə çıxdı, bu gün də eyni planla davam edəcək. Yəqin ki, onunla bağlı yekun qərarı matçdan öncə verəcəyik. Amma Jones və İsak demək olar ki, 99 faiz ehtimalla iştirak etməyəcək.”

Slotun planı və heyət rotasiyası

Arne Slot komandasının zədələrə baxmayaraq balanslı oyun qurmağa çalışdığını vurğulayıb:

“Hər komanda mövsüm ərzində bu cür çətinliklərlə üzləşir. Biz də fərqli oyunçuları dövriyyəyə salırıq ki, riskləri azaldaq. Bəzi futbolçular planlaşdırdığımızdan çox oynayıblar, bu da zədə ehtimalını artırır. Amma kadr baxımından hələ də kifayət qədər güclüyük.”

Ehtimal olunan start heyəti (4-2-3-1)

Qapı: Giorgi Mamardaşvili
Müdafiə: Konor Bredli – İbrahima Konate – Virgil van Deyk – Endryu Robertson
Yarımmüdafiə: Dominik Soboslai – Aleksis Mak Allister
Hücum xətti: Məhəmməd Salah – Florian Virtz – Kodi Qakpo
Hücumçu: Hyuqo Ekitiqe

(Qravenberx ehtiyat skamyasında yer alacaq.)

Oyundan gözləntilər

“Liverpul” son turlarda sabitlik tapa bilməsə də, bu qarşılaşma komandanın toparlanması üçün ideal fürsət sayılır. Salah və Virtzin qayıdışı hücum xəttinə dinamika və yaradıcılıq qatacaq. “Aston Villa” isə son aylarda formadadır və “Anfild”də çətin rəqib olacaq.

Arne Slot üçün bu oyun həm taktiki çevikliyin, həm də rotasiya planının sınağı olacaq. Məqsəd yalnız üç xal qazanmaq deyil, həm də komandanın fiziki yükünü düzgün idarə etməkdir.

Proqnozlaşdırılan Liverpool XI: Mamardaşvili, Bradley, Konate, van Dijk, Robertson; Szoboszlai, Mac Allister; Salah, Wirtz, Gakpo; Ekitike