Liverpul bazar günü “Kreyven Kottec”də Fulhemlə qarşılaşmada qələbə yoluna qayıtmağı hədəfləyir. Oyun ərəfəsində baş məşqçi Arne Slot heyətlə bağlı əsasən müsbət xəbərlər alıb.

Co Qomez bud əzələsi zədəsindən sonra bərpa prosesini sürətləndirib və bu həftə oyun günü heyətinə düşə bilər. Covanni Leoni, Vataru Endo və Aleksander İsak isə hələ də zədə səbəbindən sıradadır. Mohamed Salah Afrika Millətlər Kubokunda Misir millisində çıxış etdiyi üçün bu oyunda da iştirak etməyəcək.

Arne Slot mətbuat konfransında Qomezin vəziyyəti və Florian Virtsin oyun yükünün idarə olunması ilə bağlı danışıb. Niderlandlı mütəxəssis sıx oyun qrafikində futbolçuların sağlamlığının qorunmasının prioritet olduğunu vurğulayıb.

Qapıda Alisson Bekker dəyişməzdir. Liverpul Fulhemə qarşı 4-2-3-1 sxemi ilə oynayacaq. Müdafiə xəttində Konor Bredli, İbrahima Konate, Vircil van Deyk və Miloş Kerkes yer alacaq. Orta xətdə Dominik Soboslai və Rayan Qravenberx cütlüyü çıxış edəcək.

Aleksis Mak Allister hücumameyilli yarımmüdafiəçi mövqeyində Körtis Consu əvəzləyəcək. Hücum xəttində Florian Virts və Jeremi Frimpong cinahlarda, mərkəzdə isə Hüqo Ekitike oynayacaq. Körtis Cons və Kodi Qakpo ehtiyat skamyasında olacaq.

Proqnozlaşdırılan Liverpul XI
Alisson; Bredli, Konate, van Deyk, Kerkes; Soboslai, Qravenberx; Frimpong, Mak Allister, Virts; Ekitike