“Mançester Yunayted” şənbə axşamı “Old Trafford”da “Brayton”u qəbul edəcək. Premyer Liqada qalibiyyət seriyasını davam etdirmək istəyən “qırmızı şeytanlar” üçün baş məşqçi Ruben Amorim bəzi yeni kadr problemləri ilə üzləşib.

Maguire və Mount son anda yoxlanılacaq

Portuqaliyalı mütəxəssis mətbuat konfransında açıqlayıb ki, Harri Maguayr və Meyson Maunt yüngül zədələr səbəbindən həftə ərzində fərdi proqramla çalışıblar:

“Komanda ümumilikdə yaxşı vəziyyətdədir. Maguayr və Mauntun vəziyyətini sabah qiymətləndirəcəyik. Ciddi bir şey deyil, sadəcə yüngül zərbələr alıblar.”

Uzun müddətdir dizindən zədələnən Lisandro Martines isə hələ də sıradan kənardadır və noyabrdan tez qayıdışı gözlənilmir. Amorim onun bərpasından razı qaldığını desə də, “dəqiq tarix vermək istəmirəm” – deyə bildirib.

Benyamin Şeşko və Leni Yoro geri dönür

“Liverpul” və “Vest Hem” üzərində qələbələrdən sonra Amorim bu dəfə Benyamin Şeşko və Leni Yoronu yenidən start heyətinə qaytaracaq. Gənc mərkəz müdafiəçi Yoro komandaya sabitlik gətirib, hücumçu Şeşko isə son matçda ehtiyatdan daxil olsa da, qol fürsətləri ilə yadda qalıb.

“Mançester Yunayted”in “Brayton”a qarşı ehtimal olunan heyəti:

Qapıçı: Senne Lammens
Müdafiə: Leni Yoro, Mattays de Liqt, Lyuk Şou
Cinah müdafiəçiləri: Amad Diallo, Diogo Dalot
Yarımmüdafiə: Kazemiro, Bruno Fernandes
Hücum: Brian Mbeumo, Mateus Kunya
Mərkəz hücumçusu: Benyamin Şeşko

Proqnozlaşdırılan Manchester United XI: Lammens; Yoro, de Ligt, Shaw; Amad, Casemiro, Bruno Fernandes, Dalot; Mbeumo, Cunha; Sesko