PSG-nin kapitanı Marquinhos Çempionlar Liqası finalında fit səslənməmiş göz yaşlarını saxlaya bilmədi. Klubun Qətər dövrünün ilk transferlərindən olan braziliyalı illərlə yaşanan Avropa uğursuzluqlarından sonra nəhayət arzusuna çatdı. PSG “İnter”i 5:0 hesabı ilə məğlub edərək tarixində ilk dəfə ÇL-ni qazandı.

Təcrübə hələ də vacibdir

Marquinhosun ən yaxşı illəri arxada qalsa da, o, gənc PSG heyətində hələ də lider fiqurdur. Zabarnyinin transferi gələcək planlardan xəbər versə də, braziliyalının soyunub-geyinmə otağındakı rolu böyükdür. Komanda üzvləri son illərdə kapitanlıq səsvermələrində ona dəfələrlə etimad göstərib.

Əfsanə statusu rəsmiləşdi

Noyabrda PSG forması ilə 500-cü oyununa çıxan Marquinhos klub tarixinin ən titullu futbolçusudur. Onun kolleksiyasında artıq Çempionlar Liqası da var. Meydandakı rolu azalsa da, Marquinhos PSG üçün artıq mübahisəsiz bir əfsanədir.