PSG Strasburqa qarşı Dembelésiz oynayacaq – Neves və Ruiz də matçı buraxır

Paris Sen-Jermen bu həftə RC Strasburqa qarşı oyuna bir neçə əsas futbolçusundan məhrum çıxacaq.
Komandanın ulduz hücumçusu və “Qızıl top” sahibi Usman Dembele hələ tam bərpa olmadığından, matç heyətinə daxil edilməyəcək.

Dembelenin dönüşü gözləniləndən gec olacaq

Fransalı ulduz sentyabr ayındakı beynəlxalq fasilə zamanı zədə almış və o vaxtdan bəri meydana çıxmamışdı. Baş məşqçi Luis Enrike, futbolçunun bərpasında tələsmir və ehtiyatlı davranır.
Bu səbəbdən Dembelenin Strasburqa qarşı oynamayacağı dəqiqləşib. Onun gələn həftə məşqlərə qayıdacağı gözlənilir.

PSG-nin yarımmüdafiəsində ciddi itkilər

Dembelenin yoxluğu ilə yanaşı, Xoau Neveş və Fabian Ruis də zədə səbəbilə oyunu buraxacaq.
Bu, komandanın orta xəttində balans probleminə səbəb olub. Onların əvəzində Uarren Zair-Emeri və Kventin Ncançu start heyətdə yer alacaq.

Zədədən qayıdan Dezire Due və Xviça Kvaratsxeliya isə hələ tam formada deyil və ehtiyat skamyasında qala bilərlər. Hücumda isə Qonçalo Ramos əsas forvard kimi start götürəcək, onun sağında İbrahim Mbay oynayacaq.

PSG-nin Strasburqa qarşı ehtimal olunan heyəti:

Qapı: Lukas Şevalye
Müdafiə: Lukas Hernandez, Villian Paço, İliya Zabarni, Əşrəf Hakimi
Yarımmüdafiə: Kventin Ncançu, Vitinya, Uarren Zair-Emeri
Hücum: Bredli Barkola, Qonçalo Ramos, İbrahim Mbay