UEFA Çempionlar Liqasının əsas mərhələsində çıxış edən “Qarabağ” bu gün növbəti oyununa çıxacaq. Ağdam təmsilçisi liqa mərhələsinin VI turu çərçivəsində Bakıda Niderlandın “Ayaks” klubu ilə üz-üzə gələcək.

Görüş Tofiq Bəhramov adına Respublika stadionunda baş tutacaq və matçın start fiti saat 21:45-də səslənəcək. Qarşılaşmanı sloveniyalı FIFA referisi Rade Obrenoviçin başçılıq etdiyi hakimlər briqadası idarə edəcək.

Turnir cədvəlinə gəlincə, Azərbaycan klubu hazırda 7 xal toplayaraq 21-ci pillədə qərarlaşıb. Əvvəlki beş oyunda bütün matçlarda məğlub olan “Ayaks” isə hələ xal qazana bilmədiyi üçün sonuncu – 36-cı yerdə yer alır.