Çempion 90+4-də qalib gəldi, turun final günü davam edir

Bu gün Misli Premyer Liqasında 19-cu tura yekun vurulur. Turun 3-cü oyun günündə iki qarşılaşma nəzərdə tutulub.

İlk matçda son çempion “Qarabağ” səfərdə “Şamaxı” ilə qarşılaşıb. Qar yağması səbəbindən oyun planlaşdırılan vaxtdan 20 dəqiqə gec – 14:50-də start götürüb.

Gərgin keçən qarşılaşmada Ağdam təmsilçisi 2:1 hesablı əzmkar qələbə qazanıb. “Qarabağ”ın qələbə qolunu 90+4-cü dəqiqədə Kamilo Duran vurub.

Digər oyunda isə “Neftçi” doğma meydanda **“Qəbələ”**ni qəbul edəcək. Qarşılaşma saat 19:00-da başlayacaq.

10 fevral
14:50. “Şamaxı” – “Qarabağ” 1:2
Qollar: Oruc Məmmədov (14), Joni Montiel (18), Kamilo Duran (90+4)