UEFA Çempionlar Liqasının pley-off mərhələsində İngiltərənin “Nyukasl” klubu ilə qarşılaşacaq “Qarabağ” iştirak ərizəsində dəyişiklik edib.

Ağdam klubunun mətbuat xidmətinin yaydığı məlumata görə, Kris Kuakunun adı siyahıdan çıxarılıb və onu Kadi Borges əvəzləyib.

Bununla yanaşı, “Qarabağ”ın yeni transferi Jeremi Qnali iştirak ərizəsinə daxil edilməyib.

Qeyd edək ki, Kadi Borges noyabr ayında zədələndiyi üçün siyahıdan çıxarılmışdı.

“Qarabağ” – “Nyukasl” oyununun ilk görüşü fevralın 18-də saat 21:45-də Bakıda, cavab qarşılaşması isə fevralın 24-də Mərkəzi Avropa vaxtı ilə 21:00-da (Bakı vaxtı ilə fevralın 25-i, 00:00) keçiriləcək.