Çempionlar Liqası həyəcanı Bakıda başlayır

Fevralın 18-də Bakıda keçiriləcək UEFA Çempionlar Liqasının pley-off mərhələsinin ilk oyunu – “Qarabağ” – “Nyukasl Yunayted” matçının biletləri sabah satışa çıxarılacaq.

Tofiq Bəhramov adına Respublika stadionunda baş tutacaq qarşılaşmanın biletləri gün ərzində satışa buraxılacaq və yalnız rəsmi satış kanalı iTicket.az vasitəsilə onlayn şəkildə əldə edilə biləcək.

Ağdam klubu azarkeşləri bilet alarkən yalnız etibarlı və rəsmi mənbələrdən istifadə etməyə çağırıb.

Qeyd edək ki, oyun saat 21:45-də start götürəcək.