Çempionlar Liqası püşkatması: “Qarabağ”ın rəqibləri bəlli oldu

Bu gün UEFA Çempionlar Liqasının Liqa mərhələsinin püşkatma mərasimi Monakoda keçirilib. Tədbir Bakı vaxtı ilə saat 20:00-da start götürüb. Azərbaycanı yarışda təmsil edən “Qarabağ”ın 8 rəqibi müəyyənləşib. Ağdam klubu oyunların 4-nü Bakıda, 4-nü isə səfərdə keçirəcək.

Püşkatmada “Qarabağ” klubunu vitse-prezident Fevzihan Aras, baş direktor və idarə heyətinin üzvü Emrah Çelikel, idarə heyətinin digər üzvü Asif Əsgərov, əməliyyatlar departamentinin rəhbəri Fərid Ağayev və kommunikasiya departamentinin rəhbəri Anar Hacıyev təmsil edib.

Püşkatmanın qaydaları
36 komanda 4 səbətə bölünüb. “Qarabağ” reytinqi daha aşağı olan klubların yer aldığı 4-cü səbətdə olub. Avtomatlaşdırılmış sistem vasitəsilə hər klub üçün təsadüfi qaydada 8 rəqib seçilib. Hər səbətdən iki komanda digər səbətlərdən rəqib olub. Eyni assosiasiyadan olan komandalar üz-üzə gələ bilməz. Bir assosiasiyadan maksimum iki klub eyni qrupa düşə bilər.

“Qarabağ”ın rəqibləri

• Çelsi (İngiltərə) – Bakı

• Liverpul (İngiltərə) – Səfər

• Benfika (Portuqaliya) – Səfər

• Ayntraxt Frankfurt (Almaniya) – Bakı

• Ayaks (Niderland) – Bakı

• Napoli (İtaliya) – Səfər

• Atletik Bilbao (İspaniya) – Səfər

• Kopenhagen (Danimarka) – Bakı

Əlavə məlumat
Çempionlar Liqasında Liqa mərhələsinin ilk oyunları 16-18 sentyabr tarixlərində keçiriləcək.

Canlı nəticələr, transfer xəbərləri, günün oyunu, proqnozlar, idman xəbərləri – hamısı Scorewatt-da!