RAAL La Louviere Anderlecht-in yarımmüdafiəçisi Majeed Ashimeru-nu mövsümün sonuna qədər icarəyə götürmək istəyir. HLN-in məlumatına görə, Belçika klubu qanalı futbolçuya yenidən müntəzəm oyun şansı verməyi planlaşdırır.

Qana millisinin üzvü olan Ashimeru bir müddətdir Anderlecht-in planlarına daxil deyil və hazırda fiziki formasını qorumaq üçün fərdi məşqlər edir. Klub onunla yolları ayırmağa açıqdır və RAAL bu vəziyyətdən yararlanmaq istəyir.

Ashimeru 2021-ci ilin qışında Anderlecht-ə Albert Sambi Lokonga-nın potensial əvəzi kimi qoşulmuşdu. Zaman-zaman yaxşı çıxış etsə də, zədələr və qeyri-stabil forma onun əsas heyətdə möhkəmlənməsinə mane olub. O, Anderlecht forması ilə ümumilikdə 129 oyunda 9 qol vurub.

Yarımmüdafiəçinin ən yaxşı mövsümü 2022/23 olub. Həmin mövsümdə 42 oyunda 3 qol və 3 assistlə yadda qalıb. Cari mövsümdə isə heç bir oyunda meydana çıxmayıb.

Ashimeru-nnun RAAL La Louviere-yə keçidi hələlik dəqiqləşməyib. Lakin bu transfer futbolçu üçün yenidən meydanlara qayıtmaq və yayda yeni klubların diqqətini cəlb etmək baxımından mühüm fürsət ola bilər.