Madrid klubu icarəni uzatmır

“Real Madrid” gənc hücumçu Endrikin növbəti mövsümdə La Liqada çıxış etməsini planlaşdırır. Klub futbolçunun icarə müddətinin uzadılmasını gündəmə gətirməyib.

Məlumata görə, hazırda “Lion”un heyətində forma geyinən Endrik mövsümün sonunda Fransanı tərk edəcək. Madrid klubu onun gələcək planlarında əsas komandada yer almasını istəyir.

Qeyd edək ki, Endrik “Lion”da keçirdiyi 5 oyunda 5 qol vuraraq diqqət mərkəzinə düşüb. Fransız klubu rəsmi sorğu göndərməsə də, istənilən halda cavabın mənfi olacağı bildirilib.