Real Madrid Alvaro Arbeloa-nın komandanın yeni baş məşqçisi təyin edildiyini rəsmən açıqlayıb. O, gözlənilmədən klubdan ayrılan Xabi Alonso-nu əvəzləyib və ən azı mövsümün sonuna qədər komandaya rəhbərlik edəcəyi gözlənilir.

Klubun bildirdiyinə görə, Xabi Alonso ilə yollar qarşılıqlı razılaşma əsasında ayrılıb. Yerli mətbuatda onun bu həftə istefaya göndərilməyəcəyi bildirilsə də, qərar sürpriz olub. Dekabr ayında Arbeloa müvəqqəti baş məşqçi üçün əsas namizəd kimi göstərilirdi. Zinedine Zidane və Jurgen Kloppun bu posta maraq göstərmədiyi qeyd olunur.

Real Madriddən Arbeloa haqda bəyanat

Alvaro Arbeloa 2025-ci ilin iyunundan Real Madrid Castilla komandasını çalışdırırdı. O, 2020-ci ildən etibarən klubun akademiyasında müxtəlif yaş qruplarında çalışıb və U-19 komandası ilə bir neçə titul qazanıb.

Futbolçu kimi Arbeloa 2009–2016-cı illərdə Real Madrid forması ilə 238 oyuna çıxıb və 8 titul qazanıb. O, həmçinin İspaniya millisi ilə 2010 Dünya Çempionatının və iki Avropa Çempionatının qalibi olub.