27 dekabr 2025
|111
“Real Oviedo” mövsümün ikinci yarısı öncəsi vəziyyəti xilas etmək üçün ilk addımını atıb. Hazırda turnir cədvəlinin sondan ikinci pilləsində olan komanda yanvar transfer pəncərəsində ilk transferini rəsmiləşdirib.
Yeni baş məşqçi Guillermo Almada dövrünün ilk transferi onun həmyerlisi Nicolas Fonseca oldu. 25 yaşlı yarımmüdafiəçi mövsümün sonuna qədər Meksikanın “Klub Leon” klubundan icarəyə götürülüb.
Fonseca gənc yaşlarında “Milan”ın akademiyasında çıxış edib. Daha sonra Uruqvaya qayıdaraq “River Pleyt” (URU) və “Montevideo Wanderers” formalarını geyinib. Ardınca Argentinanın “River Pleyt” klubuna transfer olunub və 2024-cü ilin əvvəlində “Klub Leon”a keçib. Meksika klubunda 15 oyuna çıxıb, 13-də start heyətdə yer alıb.
“Real Oviedo”nun əsas çatışmazlığı hücum xəttindədir. Salomon Rondon və Federico Vinyas cəmi 3 qol vurub, komanda isə liqada ən az qol atan klubdur. Bu səbəbdən “Oviedo”nun “Bornmut”un hücumçusu Enes Ünal ilə maraqlandığı bildirilir.
Fonseca yarımmüdafiədə bir neçə futbolçu ilə rəqabət aparacaq. Klubun yanvarda daha bir neçə dəyişiklik edə biləcəyi istisna olunmur. “Real Oviedo” üçün mövsümün ikinci yarısı həlledici olacaq.
Şərh yazmaq üçün hesabınıza daxil olmalısınız.
Hələ şərh yazılmayıb. İlk şərhi siz yazın.
Ətraflı
Ətraflı
Ətraflı
