Maaş endirimə hazırdır, gözlər seçkilərdə

“Barselona”nın hücumçusu Robert Levandovski gələcəyi ilə bağlı ilkin qərarını verib.

İspaniya mətbuatının məlumatına görə, 37 yaşlı forvard karyerasını Kataloniya klubunda davam etdirmək istəyir. O, mart ayında keçiriləcək prezident seçkilərindən sonra yekun qərarını rəsmi şəkildə kluba bildirəcək.

Bildirilir ki, Levandovski “Barselona”da qalmaq üçün maaşının azaldılmasına da hazırdır. Futbolçu üçün bu mərhələdə maliyyədən çox sabitlik ön plandadır.

Polşalı hücumçu cari mövsüm bütün turnirlərdə 28 oyunda 13 qol və 3 məhsuldar ötürmə ilə yadda qalıb. Onun müqaviləsi 30 iyunadək qüvvədədir.