“Bavariya”nın vingeri mövsümün sonuna qədər Romada

“Roma” klubu heyətini yeni futbolçu ilə gücləndirib. Paytaxt təmsilçisi “Bavariya”nın futbolçusu Brayan Saraqosanı icarəyə götürüb.

Klubun mətbuat xidmətinin yaydığı məlumata görə, 24 yaşlı vinger mövsümün sonuna qədər “Roma”nın formasını geyinəcək.

Qeyd edək ki, Saraqosa mövsümün ilk hissəsini İspaniyanın “Selta” klubunda keçirib. O, La Liqa təmsilçisinin heyətində 26 oyunda 2 qol və 4 məhsuldar ötürmə ilə yadda qalıb.