“Tottenhem” Monako səfərinə itkilərlə gedir — Romero və Udoqi kənarda

UEFA Çempionlar Liqasının bu axşam keçiriləcək qarşılaşmasında “Tottenhem” “Stad Lui II” arenasında “Monako” ilə üz-üzə gələcək. Lakin London klubunun baş məşqçisi Tomas Frank vacib oyun öncəsi ciddi kadr itkisi ilə üzləşib.

Romero və Udoqi səfər heyətində yoxdur

Frank mətbuat konfransında təsdiqləyib ki, nə Kristian Romero, nə də Destini Udoqi bu axşam komandasına kömək edə biləcək:

“Romero ‘Aston Villa’ qarşısında oyuna çıxmışdı, lakin isinmə zamanı zədə aldı və bu səbəbdən onu əvəzləməli olduq. Ümid edirdik ki, bu günə qədər bərpa olar, amma təəssüf ki, o, Monako səfərinə qatılmadı. Udoqi də diz ağrıları ilə bağlı eyni vəziyyətdədir.”

Romero və Udoqinin yoxluğunda müdafiənin mərkəzində keçmiş “Lans” futbolçusu Kevin Danso yenidən start heyətində yer alacaq.

“Tottenhem”də geniş zədəlilər siyahısı

Komandanın digər vacib oyunçuları — İv Bissuma, Dejan Kulushevski, Ceyms Meddison və Dominik Solanke də zədə səbəbindən matçı buraxacaq. Üstəlik, gənc hücumçu Matiss Tel də oyun üçün uyğun durumda deyil.

Beləliklə, Tomas Frank bu vacib səfərdə heyət rotasiyasına məcbur qalacaq.

“Tottenhem”in “Monako”ya qarşı ehtimal olunan start heyəti:

Vikario — Djed Spens, Mikki van de Ven, Kevin Danso, Pedro Porro — Rodrigo Bentankur, Joao Palinya — Xavi Simons, Pape Matar Sarr, Mohammed Kudus — Rişarlison.

London təmsilçisi bu qarşılaşmada həm qrupdakı mövqeyini gücləndirmək, həm də ardıcıl uğursuz nəticələrdən sonra azarkeşlərinə qələbə bəxş etmək məqsədindədir.