A Seriyasında ardıcıl uğursuzluqlar qərara səbəb oldu

İtaliya A Seriyasında mübarizə aparan Verona klubu baş məşqçisi Paolo Zanetti ilə əməkdaşlığı dayandırıb. Klubun rəsmi açıqlamasına əsasən, 43 yaşlı mütəxəssisin müqaviləsinə qarşılıqlı razılaşma ilə xitam verilib.

Bu qərarın verilməsinə son turda Kalyariyə 0-4 hesablı məğlubiyyət əsas səbəb olub. Verona son 8 oyunda cəmi iki dəfə məğlubiyyətdən qaça bilib. Komanda 23 turdan sonra 14 xalla turnir cədvəlinin sonuncu, 20-ci pilləsində qərarlaşıb.